Íslendski Maggi Lego er ein av mest kultaðu DJunum her norðuri seinastu árini. Kendur fyri síni góðu evni at miksa, DJa og seta feit og hypnotiserandi groove saman, kemur maðurin á G! at seta gongd á allar hugaðar rumpuendar. Ávaring: Byrjar tú at dansa, steðgar tú ikki aftur!

Maggi Lego var við til at stovna feitasta og kendasta house/elektro bólkin í Íslandi, GusGus, og hevur við tíðini fingið umdömi sum eitt satt flogvit handan DJ pultin.

Um vit skulu seta orð á, hvat vit kunnu vænta okkum av honum á G!, so verður talan um væl svingandi minimal tekno rútmur, við litríkum italo disko tónum afturvið.

Sum DJ og framleiðari hevur Maggi Lego fleiri samleikar: fyrst og fremst Magga Lego, men eisini alter-egoið Hunk of a Man og Buckmaster De La Cruz, Fuckmaster og Magnus Pop.

Hann er regluligur DJ á feitastu klubbunum og dansistöðunum í Reykjavík og er eisini nógv umbiðin aðrastaðnis í heiminum. Til dömis er hann fastur fúsur á klubbum í New York, Chicago, Berlin, Buenos Aires og London. Maðurin hevur enntá egnan fjepparaklubba; “The Maggi Lego Fan Club”.

Maggi Lego hevur higartil verið í Föroyum tríggjar ferðir. Á Mjús Festivalinum í 2006, til Undirbeat í Cippo í 2007 og til Undirbeat á Ólavsöku í 2008. Nú kemur G! 2009, og Maggi Lego verður sjálvandi við við sínari kult-DJ'ing í Grundini.

Síggj myndir frá, tá Maggi Lego var DJ til Undirbeat í Cippo her og frá Undirbeat á Ólavsöku her

Hoyr hansara tónleik her:

myspace.com/kondakela

myspace.com/hunkofaman

myspace.com/maggilegodiscoclub

Tak DJ mix hjá honum niður her:

mediafire.com/hunkofaman